PROGRAMMHINWEIS:

Heute Abend 21:05 Uhr gibt’s wieder SONGPOETEN auf WDR 4. Diesmal geht es um Paul McCartney’s 80. Geburtstag. Und da unser wilder Westen in der Eifel stattfindet, zum besseren Verständnis folgender Text,… für alle Fälle!? #songpoeten #wdr4 #radio #rockyracoon #paulmccartney #geburtstag

Karl-Heinz Buhr 

Medden enn der Eifel, 

zwesche Blankenheim un Kall,

joov et vüür langer Zigg ne Typ, 

dä heeß Karl-Heinz Buhr,

un eines Daachs leef dämm sing Frau fott

met`nem andre Kääl.

Karl-Heinz saat:

“Waat aff, dä schnapp ich mir!“

trook singe Hoot ahn 

fuhr mem Bus noh Prüm,

nohm sich`e Zemmer em Hotel zur Post

un laat sich op de Luhr.

            Karl-Heinz Buhr woor unheimlich suhr

un enn dä Nahxkommod looch en Bibel.

Zwesche Jöödel un Hemp 

hatte`n Pistol enjeklemmp:

„Für dä Drecksack, 

dä jaach ich nohm Deufel.

Wieso hätt die blöde Sau 

sich raanjemaat ahn ming Frau?“

Systematisch soff`e sich durch die Hotelbar.

Annemarie heeß sing Partie, 

sie selvs nannt sich Marie,

doch jeder kannt se als Helja.

Dat un dä Stenz, 

dä Schiffsschaukeln bremst,

kohme rinn un bestellten Schampanjer.

            Karl-Heinz trook die Plämm 

un bleck wie Bogart die Zäng

un saat:“Ich hoff, 

du häss dieh Testament fäädisch!“

Bloß dä Typ woor topfit, 

dä Karl-Heinz leider nit

un eh`e scheeße kunnt 

flooche dur`t Finster.

La La La …….

            Dä Landarzt kohm ahn, 

met singer Underbirch-Fahn,

            wie Karl-Heinz zo sich kohm 

als Häufje Elend.

      Dä Doc saat: „ Alles halv su schlemm,

            och wenn et Helja jetz met ihm….

     Jung, andre Mütter hann 

och schön Dööchter!“

Doch Karl-Heinz Buhr 

wollt keine Trost, nur

russ he un flöck, op sieh Zemmer.

Doch dat Kommödche woor leer,

die Bibel fott, oh woher

sollt dä Karl-Heinz 

jetz sing Weisheite nemme?

Denn „Aug`für Aug`“ woor wohl nix

un och sing Zäng woor`e quitt,

die looche drusse em Rään, enn der Eifel.